இதன் காரணமாக எதிர்ப்பு தெரிவித்து வரும் திரையுலகினர், தங்கள் கோரிக்கையை மத்திய அரசின் கவனத்திற்கு கொண்டு வரும் நோக்கில், வரும் 23ந் தேதி அகில இந்தியா திரைப்பட சம்மேளனம் சார்பில், ஒரு நாள் வேலை நிறுத்தம் செய்ய முடிவு செய்துள்ளனர்.
இது குறித்து அகில இந்தியா திரைப்பட சம்மேளனத்தின் துணை தலைவர் எல். சுரேஷ் கூறும் போது, 'மத்திய அரசு கொண்டு வர உள்ள சேவை வரியை ரத்து செய்ய வேண்டும் என்று வலியுறுத்தியும், எங்களது கோரிக்கைகளை பரிசீலிக்க வேண்டும் என்றும் 23ந் தேதி ஒரு நாள் அடையாள வேலை நிறுத்தம் செய்கிறோம். அன்று இந்தியா முழுவது உள்ள திரையரங்குகள் இயங்காது. அது மட்டுமின்றி அன்று முழுவதும் சினிமா தொடர்பான எவ்வித பணிகளும் நடைபெறாது' என்றார்.
